ᐃᓄᒃ ᓯᕗᓕᖅᑎᐅᓚᐅᖅᓯᒪᔪᖅ ᑭᒡᒐᖅᑐᐃᔨᐅᓚᐅᖅᓯᒪᔪᖅ ᒥᐊᔨ ᓴᐃᒪᓐ ᐃᓕᔭᐅᓂᐊᖅᑐᖅ ᑲᓇᑕᒥ 30-ᒋᓕᖅᑕᖓᓂ ᑯᐃᑉ ᑭᒡᒐᖅᑐᖅᑎᒋᓗᓂᐅᒃ ᓇᒡᒐᔾᔭᐅᒥ ᐊᒻᒪᓗ ᓰᐲᓰ ᐱᕙᓪᓕᐅᔪᑦ ᑕᑯᒃᓴᐅᑎᑦᑎᓂᐊᖅᑐᑦ ᐊᑐᖅᑕᐅᓚᐅᖅᓯᒪᙱᑦᑐᒥᒃ ᓰᐲᓰᒃᑯᑦ ᓇᓕᐊᓐᓄᑦ, ᖃᓪᓗᓈᑎᑑᕐᓗᑎᒃ ᐃᓄᒃᑎᑐᓪᓗ.
ᑖᓐᓇ ᐱᓕᕆᐊᖑᔪᖅ ᑲᔪᓯᑎᑕᐅᓂᐊᖅᐳᖅ ᒐᕙᒪᓕᕆᔨᓄᑦ ᑎᑎᕋᖃᑦᑕᐅᑎᕝᕕᒃᑯᑦ ᕉᔅᒥᐅᕆ ᐹᑕᓐᒧᑦ, ᓰᐲᓰᒃᑯᑦ ᑕᓚᕖᓴᒃᑯᑦ, ᓰᐲᓰ ᐱᕙᓪᓕᐅᔪᑦ ᑐᓴᐅᒪᖃᑦᑕᐅᑎᖃᑎᒌᒍᑎᑦ, ᓰᐲᓰ ᔭᒻ, ᐊᒻᒪ CBCNews.ca.
ᓯᕗᓪᓕᖅᐹᑦᑎᐊᖑᓛᖅᑐᖅ ᓰᐲᓰᒃᑯᑦ ᐱᕙᓪᓕᐊᔪᒃᑯᑦ ᓴᖅᑭᑎᑦᑎᓗᑎᒃ ᖃᓪᓗᓈᑎᑐᑦ ᐃᓄᒃᑎᑐᓪᓗ, ᐊᒻᒪ ᓈᓚᒋᐊᖅᑐᖅᓯᒪᔪᑦ ᐃᓗᐊᓂ ᐊᖓᔪᖅᑲᐅᑎᑦ ᐃᓄᐃᑦ ᑎᑭᑉᐸᓐᓕᐊᔪᑦ ᐊᒻᒪ ᖁᕕᐊᓲᑎᖃᓛᖅᑐᑦ ᐋᑐᐋᒥ, ᐊᒻᒪᓗ ᒥᐊᔨ ᓴᐃᒪᓐ ᐊᖏᕐᕋᖓᑕ ᐊᖏᕐᕋᖓᓂ ᑰᒡᔪᐊᖅ, ᑯᐸᐃᒃᒥ.
ᐊᑐᖅᑕᐅᓚᐅᖅᓯᒪᙱᑦᑐᒥᒃ ᓂᐱᓕᐅᓛᖅᑐᑦ ᑖᑯᓂᖓᓂ ᓂᓪ ᑯᒃᓴᓪ ᐅᐊᓃᑕ ᑕᐃᓗᓗ ᓰᐲᓰ ᓈᓚᐅᑎᖓᓂ ᓰᐲᓰ ᓈᓚᒡᓗᑎᒃᑯᓪᓗ. ᐊᖏᖅᑎᑕᐅᓂᖅ ᖁᕕᐊᓲᑎᖃᕐᓂᕐᒧᑦ ᐅᖃᐅᓯᐅᓂᐊᕐᒥᔪᖅ 8-ᖑᔪᓂ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᓐᓂᒃ ᐅᓄᖅᑐᓄᑦ ᓰᐲᓰᒃᑯᑦ ᓈᓚᐅᑎᖃᕕᖏᓐᓂ.
ᐃᓄᒃᑎᑑᖅᑐᒥ ᓈᓚᓛᖅᐳᑎᑦ ᓈᓚᐅᑎᒃᑯᑦ ᓰᐲᓰ ᓈᓚᐅᑎᖓᓂ ᓄᓇᕗᒻᒥ ᓰᐲᓰ ᓈᓚᒡᓗᑎᒃᑯᓐᓘᓐᓃᑦ 11-ᒥ ᐅᓪᓛᑦᑯᑦ ᑲᓇᖕᓇᐅᑉ ᓯᕿᙳᔭᖓ ᒪᓕᒃᑕᐅᓗᓂ.
ᐃᓄᒃᑎᑐᑦ ᑕᕐᕆᔮᒃᓴᖅ ᓇᓂᔪᓐᓇᓛᖅᑕᐃ ᓰᐲᓰ ᓄᓇᕗᑦ ᕙᐃᔅᐳᒃᑯᑦ ᒪᒃᐱᖅᑐᒐᖓᓂ ᐅᕝᕙᓘᓐᓃᑦ ᓰᐲᓰ ᐅᑭᐅᖅᑕᖅᑐᒥ ᔫᑑᑉ ᒪᒃᐱᖅᑐᒐᖓᓂ. ᐱᒋᐊᓛᖅᑐᖅ 10-ᒥᒃ ᑲᓇᖕᓇᐅᑉ ᓯᕿᙳᔭᖓ ᒪᓕᒃᑕᐅᓗᓂ.