December 17, 2019
ᓃᔅᑎᒻ ᑳ ᒋᔅᑯᑎᒫᓲᔭᓐ ᐄᓅ ᐊᔨᒧᐎᓐ ᐁ ᐄᓄᔅᑌᐦᒡ, ᑳ ᒌᔅᑯᑎᒫᓲᔭᓐ ᒋᔅᑯᑕᒫᒉᐅᑲᒥᒃ ᒥᔅᑎᓯᓃᒡ᙮
ᐊᓐ ᒌ ᒦᔦᐦᑌᓐ ᐁ ᒋᔅᑰᑎᒫᓲᔭᓐ ᐄᓅ ᐊᔨᒧᐎᓐ, ᐊᓐ ᒋ ᒋᔅᑯᑎᒫᓲᓐ ᐁ ᐄᓄᔅᑌᐦᒡ ᑭᔦ ᐁ ᓇᑯᒧᔭᓐ ᐁᐃᐅᐊ, ᐯᐱᐳᐸ, ᑭᔦ ᐁ ᒣᓯᓈᒪᓐ ᐊᓐ ᓯᓐᑳᓲᓐ ᐁ ᐄᓅᔅᑌᒡ᙮
ᓃ ᒥᔦᔨᐦᑌᓐ ᐁ ᐄᓅ ᐊᔨᒦᔭᓐ ᐊᓐᒌᔅ, ᓇᔅᑖᐯᐧᐦ ᐊᓐ ᓯᒌᔦᐦᓯᓐ ᐄᓅ ᐊᔨᒧᐎᓐ ᐁ ᐊᐱᒌᔅᑖᔭᓐ ᐆᑦ ᐁ ᐊᐱᑏᔒᔭᓐ ᐆᑦ ᓰᐲᓰ ᒋᐌᑎᓅᑖᐦᒡ ᐊᔨᒧᐌᔮᐲᒡ᙮
ᐁᔅᑲ ᒪᒃ ᓃᒌᔅᑰᑕᒪᓲᓐ ᐄᓅ ᐊᔨᒧᐎᓐ ᐊᓐᒌᔅ ᐁᔦᒫᐦᐄᑯ ᒉᔐᐄᓅᒡ ᐐᔪ ᒨᔥ ᐁ ᐄᓅ ᐃᔨᒣᑐ᙮
ᐆᑦ ᓰᐲᓰ ᒋᐌᑎᓅᑖᐦᒡ ᐊᔨᒧᐌᔮᐲᒡ, ᐁᐆᑲᓅ ᓃᔅᑎᒻ ᒉ ᐯᑖᑰᒡ ᐄᓅ ᐊᔨᒧᐎᓐ ᐁᔭᐯᑖᒡ ᐁ ᑖᑰᒡ ᑎᐸᒌᒨᓐ ᒉ ᒌ ᐱᑌᐱᑖᔦᒄ ᐊᓐᑌ ᑳ ᒌ ᐱᐸᑎᑰᓇᒣᒄ ᑖᑳᐸᒉᓐᑫᓐᔅ ᒉᐃᒥᔅ ᐯᐃ ᐄᓅ ᐊᔨᒦᐎᓐ ᐁ ᔭᐱᑎᒡ᙮
ᐐᑌ, ᐐᑦ ᒉ ᑮ ᐃᔐᓂᑳᑌᐤ ᔐᐗᓅᑖᐦᒡ ᑭᔦ ᒋᐌᑎᓅᑖᐦᒡ ᐄᓅ ᐊᔨᒨᐎᓐ ᐁ ᔭᐱᑎᒡ᙮
ᐁᐅᒄ ᐌᒌ ᐐ ᑐᑖᒫᒡ ᒉ ᒌ ᐯᑖᑰᑕᑲᓄᒡ ᐁ ᑖᑰᒡ ᑎᐹᒋᒨᓐ, ᐁᐆᑲᓅ ᐁᐱᐳᒡ ᐁ ᒋᑲᔭᐱᑕᑳᓅᒡ ᐄᓅ ᐊᔨᒧᐎᓐ ᒣᔐᑌᔅᑫᒥᒡ᙮
ᑭᔦ ᐊᓐᒌ ᐐ ᔮᒨᑌᓇᓐ ᑕᓐ ᐊᒌᔫ ᐁ ᐄᔅᐲᒡ ᐄᓅ ᐊᔨᒧᐎᓐ ᐄᑖᐎᓐᒡ᙮
ᐁᔐᑯᒻ ᐁ ᐯᑕᒣᒄ ᐯᔭᒄ ᐁ ᒌ ᐱᑌᐲᑕᑳᓅᒡ ᓇᓇᑰ ᒋ ᑭᔮᒨᑌᐤ ᒉᒀᓐ, ᒋ ᑭᔮᒨᑌᐤ ᑕᓐ ᐁᔐᒌᓰᑲᒡ ᒪᒃ ᑕᓐ ᐁᔥᐯᑕᔮᒡ ᐁᐱᐳᒡ᙮
ᑭᔦ ᒌ ᑳ ᐯᑌᓇᓅ ᐁ ᐆᔅᑳᑰ ᐊᔨᒨᐎᓐ᙮
ᒉ ᒌ ᐃᓯᓇᑰᒡ ᐁᑯᑦ ᒉ ᒌ ᒋᔅᒌᐲᑖᑐᐦ ᐊᐗᔑᒡ, ᑭᔦ ᐅᔅᒋᓃᒎᒡ ᐁᑰ ᒪᒃ ᒥᔐᐌᐌᓐ ᒉ ᒌ ᒌᔅᑰᑕᒪᓲᑦ ᐄᓅ ᐊᔨᒧᐎᓐᔪ᙮
ᓀᐳᑰᔐᑌᓇᓐ ᐆ ᒉ ᐯᑖᑰᒡ ᐁᐸᓴᓯᑯᐦ ᑎᐹᒋᒨᓐ ᒉ ᒌ ᐲᑌᐲᑖᔦᒄ ᐊᓐᑌ ᑳ ᒌᐲᐹᑎᑰᓇᒣᒄ ᑕᑲᐸᒉᓐᑭᓐᔅ ᒉ ᐎᒌᐦᐃᑰᔦᒄ ᐁᔐᑰᒻ ᒌᔑᑳᐤ ᐄᓅ ᐊᔨᒦᒄ ᑭᔦ ᒉ ᒌ ᒪᒪᒌᑰᓂᒣᒄ ᑭᔦ ᒪᒃ ᒉ ᒌ ᒥᔅᑰᔒᒪᑲᒡ ᐄᓅ ᐊᔨᒧᐎᓐ᙮
ᓀᒫᔦᑌᓐ ᐆ ᒉ ᒌ ᑐᑖᒪᒡ ᒉ ᒌ ᐯᑖᑯᒡ ᒣᕇ ᓴᒻ ᐁᐐᒋᐦᐄᑦ᙮
ᒫᐅᑦ ᒪᒃ ᒉ ᒌ ᐯᑕᒣᒄ ᐊᓐᔫ ᓃᔓ ᑳ ᐲᑌᐲᑖᑳᓅᑯᐦ ᑎᐹᒋᒨᓐ᙮